طريقة الاستبدال والاسترجاع ومواعيد الشحن

سياسات الاستلام

فى "ريموندا" بنسهل للعميل دايما عملية الشراء، ولإن الشراء أونلاين مختلف عن الشراء من المحلات، فقررنا نسهل عملية التسليم أكتر وأكتر.
فقبل ماتستلم منتجات "ريموندا"...

  • لازم تتأكد إن اللى وصلك مطابق للي أنت طلبته كمواصفات وخامات وشكل ولون وسعر.
  • لازم تتأكد إن المنتج من "ريموندا" وإن المندوب ده جي عن طريق شركة الشحن التابعة لينا.
  • لازم تتأكد من المقاس وتجرب بنفسك لإنه لو مش مناسب معاك هنلجأ لعملية الاستبدال.

سياسات الإستبدال

أحيانا العميل بعد مايستلم المنتج يكتشف إن المقاس مش مظبوط عليه، وهنا دور "ريموندا" في خدمات مابعد البيع.

متاح للعميل تغيير الحذاء بعد استلامه لو المقاس مش مناسب (مع العلم إن كل مقاساتنا مظبوطة) بس لازم الحذاء يكون بنفس الحالة الأصلية (عدم ظهور آثار الإستخدام) وكمان العميل هيتحمل بس نص مصاريف الشحنة التانية و "ريموندا" هتتحمل النص التانى، مع العلم إن...

  • مدة طلب الإستبدال هي نفس المدة للطلب الأول.
  • فى حالة عدم توفر المقاس الجديد يتم وضع الطلب في قائمة الإنتظار أو يختار العميل حذاء آخر.
  • مدة الاستبدال في خلال 14 يوم من تاريخ الفاتورة في حالة ان المنتج بحالته الاصلية.

سياسات الإسترجاع

مشاكل الشراء من على الإنترنت كتيرة، بس إحنا في "ريموندا" دارسينها كويس وعشان كده.

  • من حق أي عميل يفتح المنتج ويتأكد من الموديل واللون والخامات بنفسه، ولو المنتج مش مطابق للمواصفات فمن حق العميل عدم الإستلام من غير مايدفع أي مصاريف شحن و "ريموندا" هتتحمل كل حاجة.
  • ‏من حق أي عميل عدم الاستلام بعد مايفتح علبة المنتج ويتأكد من مطابقة المواصفات بنفسه (وده اللي بيحصل دايما) بس اللي هيحصل هنا إن العميل هيدفع مصاريف الشحن فقط والحذاء هيرجع مع مندوب الشحن.
  • من حق أى عميل عدم استلام الحذاء لو كان المقاس غير مناسب، ويتم استرجاع الحذاء ويدفع العميل فقط مصاريف الشحن ثم يتم ارسال الحذاء له مرة أخري بالمقاس المطلوب ولا يتحمل العميل سوا نصف مصاريف الشحن فى المرة الثانية.
  • عملية الإسترجاع في جميع الحالات لازم تتم أمام مندوب الشحن عشان ماتتحملش مصاريف الشحن لمرتين.
  • من حق العميل طلب استرجاع للاوردر في خلال 14 يوم من تاريخ الفاتورة في حالة ان المنتج بحالته الاصلية وبيتحمل العميل مصاريف الشحن.

سياسة الضمان

تفاصيل الضمان الخاصة بأحذية مصنعنا (فلورانس)

إحنا بنضمنلك في حالة حدوث قطع أو تلف في الحذاء...

  • خلال أول شهر من تاريخ الشراء
    هيتم استبدال الحذاء بحذاء أخر (نفس الموديل والمقاس واللون) مجانا
  • ‏في خلال الشهر الثاني والثالث
    هيتم تصليح الحذاء مجانا مع دفع نصف مصاريف الشحن ذهابا وإيابا.
  • في خلال الشهر الرابع والخامس والسادس
    هيتم تصليح الحذاء مجانا مع دفع كامل مصاريف الشحن ذهابا وإيابا.
  • بعد 6 شهور
    في الحالة ديه بيتم تصليح الحذاء بمبلغ رمزي بيتحسب على حسب حالة الحذاء أيضا وبيتم دفع مصاريف الشحن كاملة ذهابا وإيابا.
  • مدة التصليح بتكون من ١٤ ل ٢١ يوم في كل الحالات السابقة.

مواعيد ومصاريف الشحن

• القاهرة والجيزة ودمياط = 35 ج
* التوصيل (4 ل 5 أيام عمل بداخل القاهرة والجيزة)
* التوصيل (3 ل 4 أيام عمل بداخل دمياط)

• المحافظات = 45 ج
(الأسكندرية - القليوبية - الغربية - الشرقية - الدقهلية - المنوفية - كفر الشيخ - البحيرة - بورسعيد - السويس - الاسماعيلية) 
* التوصيل (5 ل 6 أيام عمل)

• صعيد مصر = 50 ج
(الفيوم - بني سويف - المنيا - أسيوط - سوهاج - قنا - الأقصر - أسوان)
* التوصيل ( 6 ل 7 أيام عمل)

تم فتح التوصيل لجميع مدن البحر الأحمر وجنوب سيناء و مرسى مطروح شاملة المدن التالية ( الغردقة وسفاجا والقصير والزعفرانة ورأس غارب والساحل الشمالي ومرينا والطور وشرم الشيخ ) وغيرهم من المدن الآخري التابعة للمحافظات المذكورة .
• متاح التوصيل إلى الوادي الجديد في الواحات البحرية فقط.
•مصاريف الشحن للبحر الأحمر = 80ج.
•مصاريف الشحن للوادي الجديد ومرسى مطروح وجنوب سينا = 90ج.
*التوصيل في خلال 9 ل 10 أيام عمل.

• في المدن الجديدة يتم دفع مصاريف الشحن مقدما قبل إرسال الأوردار.

• ملحوظة:

- في حالة وجود اكثر من خصم يحصل العميل علي الخصم الأكبر.
- في حالة الأختيار بين مقاسين يتم إضافة تكلفة شحن 10ج على كل قطعة إضافية.

- هذه العروض وأسعار الشحن خاصة بشهر رمضان.

في النهاية...
نتمني تكون كل معلومة هنا مفيدة ودايما (اشتري راحتك .. اشتري ريموندا)